Film o‘zbek boksini butun dunyoga tarannum etgan, Olimpiada va nufuzli xalqaro turnirlarda bayrog‘imizni qayta-qayta baland ko‘tarib, dunyoning eng zo‘ri bo‘la olishimizni isbotlagan mard yosh sportchilarimiz va ularning fidoyi murabbiylariga bag‘ishlangan.
Filmda sportchilarimizni g‘alaba sari yetaklagan barcha mashaqqatli yo‘l ko‘rsatiladi. G‘oliblik – mard va irodali insonlarning taqdiri.
Sportchilarimiz va ularning murabbiylari har qanday qiyinchilik, mashaqqat, intrigalarga qaramay, o‘z g‘alabasi sari borgan insonlardir. Bu nafaqat ringda, balki undan tashqarida ham – adolat, haqiqat, sha’ni va qadr-qimmati g‘alabasi, Vatan, O‘zbekiston uchun kurash!